tumatawa si pipay
sa dilim ng gabi,
kasama si pipoy
sa ilalim ng anino
ng mga kumpol na dahon
ng sampalok.
lumalangitngit
ang kawayan na datar,
umaangal tila
sa nagdadanting mga katawan,
o marahil
umuungol sa inggit,
habang nagtakip ng mata
ang mga bituin,
at nagtago sa ulap
ang namumulang buwan;
sabay sa panginginig
sa ginaw ng haplos ng hangin,
muling nabasag
ang isang imahen
ni maria.