sana,
bawat mong pag-idlip
ay may kasaliw
na kaytamis
na panaginip.
sana,
bawat mong paghimbing
ay mayroong kasama
na tatanod
na tala.
sana,
bawat mong paghimlay
ay may dalang pangakong
walang patid na ngiti
habambuhay.
at sana,
sa bawat mong pagtulog
ay iyong madama
itong panalangin kong
pag-asa.
Nobyembre 25, 2010 at 3:34 hapon
magandang araw! nais ko po sanang humingi ng pahintulot sa inyo upang mahiram ang inyong mga tula para sa aming takdang aralin sa pagbasa at pagsulat, na nagsasaad na kami ay humanap ng may apat o limang saknong na tula at suriin ang mga ginamit na tayutay dito.kung inyo pong pahihintulutan ay salamat po,kung hindi po naman ay salamat pa rin po. God bless and more power!
Hunyo 18, 2011 at 7:41 umaga
kahanga hanga ang tulang iyong kinatha..nakakapukaw damdamin..
nararamdaman ang bawat salitang iyong binitawan..magaling..
Hunyo 18, 2011 at 8:36 umaga
salamat khrist…
Hunyo 24, 2011 at 1:09 hapon
ang lalim … nosebleed me.
=D